Promovidas e custeadas pola CMVMC de San Xusto e a Asociación Cultural Vive Avión e baixo a dirección de Jorge Lamas Bertolo consistiron en escavar e consolidar a estrutura E1 co resultado, xa ben coñecido por todos, da aparición do tríscele e a cruz embolada os días 12 e 16 de Setembro respectivamente. Dúas pezas gravadas en granito de 63x44x11cm aproximadamente nun estado excepcional e cunha pronunciada curvatura na súa cara gravada. Posiblemente sexan dúas das pezas arqueolóxicas máis importantes dos últimos anos.